Bebo bocht. B'shin é an gréasán soisialta is mó éilimh in Éirinn thart fá 5 bliana ó shin, ach anois ní chloistear focal faoi. An mbeidh Facebook mar an gcéanna i gceann bliana nó dhó?! Ní dóigh liom é. Ach, é sin ráite, ní minic a láinseáiltear giúirléid nó seirbhís ag Google nach mbíonn tóir mhór orthu.
Chun daoine a mhealladh chuig seirbhísí nua mar sin, braitheann na soláthróirí ar pharanóia na ndaoine... nach gcloisfidh siad scéal... go gcaillfidh siad ócáid áirithe a socraíodh ar-líne, nó níos measa fós... go mbeidh a n-ainmneacha tógtha sula gcláraíonn siad. Quelle horreur! Chun an fhírinne a rá, ní rabhas riamh i mo nuálaí. Cuirim an milleán ar m'athair. Ní raibh guthán baile againn go dtí lár na nóchaidí. Tá mo chinneadh déanta agam. Fanfaidh mé, ar a laghad, ar an gcéad chuireadh eile ;)
Fuaireas mo chéad chuireadh inné.. Nílim cinnte faoi!
ReplyDeleteCeist agam oraibh beirt, nó dhá cheist:
ReplyDelete1) An ó Éireannach eile a fuair sibh an cuireadh, agus
2) an mbaineann an duine seo úsáid as an nGaeilge ar chor ar bith?
@Néidí... abair liom é má ghlacann tú leis an gcuireadh. Níor mhaith liom a bheith fágtha im' aonar in áit na leathphingine ;)
ReplyDelete@Dennis... is Éireannach é, ach níl Gaeilge aige, faraor. Ná níl a fhios agam fiú an bhfuil leagan Gaeilge do Google+ le fáil. Caithim a adhmháil go bhfuil córas aistriúcháin an-mhaith ag Facebook teidil agus teachtaireachtaí an tsuímh a aistriú.
Léigh mé faoi Google+, i nGaelscéal (8 Iúil), agus tá nithe ann atá níos fearr, b'fhéidir, ná mar atá ar Facebook. An méid sin ráite, an mbacfainn leis? Ceist mhaith...:-)
ReplyDeleteÉireannach a bhí ann freisin ach ní dóigh liom go bhfuil Gaeilge aige. Ghlac mé leis an gcuireadh ach fós ní féidir liom adhmad a bhaint de.
ReplyDelete