10.10.12

Machynlleth II

Cuireadh agallamh orm ar an gclár Blas ar BBC Raidíó Uladh anocht maidir le cúis thubaisteach April Jones, toisc, is dócha, go rabhadar ag iarraidh léargas a fháil ón mBreatain Bheag. Ní mór léargas ar leith atá agamsa maidir leis an gcás, cé go bhfuil mé ag leanúint an scéal go géar ó chuaigh an cailín cúig bliana ar iarraidh ag tús na seachtaine seo chaite. Má tá suim agaibh ann seo daoibh an clár... is mise an chéad chainteoir. Ní minic a bhím ag caint go poiblí as Gaeilge mar seo agus tá súil agam nach bhfuil an iomarca botún déanta agam.

DAS, cúisíodh Mark Bridger inniu i gcúirt i gCaernarfon do chorp an chailín bhoicht a chur i bhfolach. Tá sé cúisithe cheana féin maidir lena dúnmharú agus le bheith ag iarraidh an córas dlí a chur as riocht. Is léir ón méid a dúirt na póilíní inniu go bhfuil finnéithe acu, cé nach bhfuil an corp aimsithe acu go fóill. Coinneofar Bridger i bpriosún i Manchain go dtí go dtosnóidh an triail i gceart sa bhliain úr. Idir an dá linn mairfidh an cuardach, atá dírithe ar an abhainn Dyfi sa cheantar, amach anseo.
Posted by at

3 comments:

  1. Mise ÁineOctober 11, 2012 at 12:02 AM

    Scéal tragóideach, a John, agus an t-am seo an-chrua ar mhuintir na háite sin, gan trácht ar thuismitheoirí bochta April.

    Rinne tú jab maith den agallamh, a chara. Níl sé éasca labhairt ar an raidió, go háirithe gan taithí ag duine ar a leithéid, ach tá sé míle uair níos measa nuair a bhíonn scéal chomh tragóideach seo faoi chaibidil.

    ReplyDelete
  2. Dennis KingOctober 11, 2012 at 2:25 AM

    An-jab ar fad, John. Maith thú! Agus is maith liom an blas atá ar do chuid Gaeilge, chomh maith le do ghuth.

    ReplyDelete
  3. JohnOctober 13, 2012 at 10:35 PM

    Go raibh maith agaibh as an léirmheas deas!

    Scéal tragóideach gan amhras, a Áine. Gan toradh ar an gcuardach go fóill.

    ReplyDelete

Subscribe to: Post Comments (Atom)