17.2.12

Ó theangacha Ceilteacha go haibítir na Rómhánach

Chruthaigh mé taispeántas beag le déanaí, i leabharlann na hollscoile, ar scríbhneoireacht na dteangacha Ceilteacha thar na cianta. Bhaineas úsáid as cartlann na leabharlainne agus a bailiúchán de shean-leabhair Bhreatnaise agus Ghaeilge, chun athruithe sa bhealach inar scríobhadh na teangacha sin - ón ogham ar aghaidh - a léiriú.

Agus fuair mé go leor cabhair ó Dennis, a bhíonn ag scríobh go rialta faoi nótaí imill na lámhscríbhinní Gaelacha, chomh maith le go leor ábhar eile, ar a bhlag iontach. Tá súil agam go bhfuil an cur síos gairid ar scríbhneoireacht na manach cóir agus cruinn, a Dennis. Ar aon chaoi, seo daoibh an leagan Béarla/Breatnais don taispeántas.

Posted by at

7 comments:

  1. aonghusFebruary 17, 2012 at 12:00 PM

    Go deas. Ach nach ar an aibítir rómhánach atá Ogham bunaithe?

    ReplyDelete
  2. JohnFebruary 17, 2012 at 12:34 PM

    De réir Wikipedia, níl siad cinnte faoi sin. Ach, bheadh freagra ag Dennis gan amhras. Ach tuigim do chás. Is dócha go rabhas ag iarraidh comparáid a dhéanamh idir na seanscríbhinní Gaelacha/Breatnacha - agus na bealaí éagsúla a cuireadh ar pháipéar é - agus an aibítir fhoirmeálta Rómhánach a fheictear i leabhair agus ar scáileáin sa lá atá inniu ann. So, cé go raibh an sean-chló Gaelach agus Coelbren y Beirdd na Breatnaise bunaithe ar litreacha ón aibítir Rómhánach, mar shampla, ní aithneofaí é sin in aice le cló an lae inniu.

    ReplyDelete
  3. aonghusFebruary 17, 2012 at 12:38 PM

    Bhuel, táim cineál amhrasach faoi Wikipedia mar fhoinse!

    Ach, ag caint ar foinsí, sean ceann maith:

    http://www.scribhinn.org/

    ReplyDelete
  4. JohnFebruary 17, 2012 at 12:59 PM

    GRMA a Aonghus. Is breá liom na samplaí éagsúla den sean-chló ansin.

    ReplyDelete
  5. Dennis KingFebruary 18, 2012 at 1:54 AM

    An-jab, John!

    ReplyDelete
  6. MíshástaFebruary 18, 2012 at 9:51 AM

    Ana-chuid eolais i dtaispeántas beag dea-eagraithe. Comhghairdeachas.

    @ Aonghus, gora míle as an nasc.

    ReplyDelete
  7. JohnFebruary 21, 2012 at 2:14 PM

    Go raibh maith agaibh, a fheara.

    ReplyDelete

Subscribe to: Post Comments (Atom)