Faoi mar atá a fhios agaibh, tá an-spéis agamsa i gComórtas na Eoraifíse, go háirithe na 'hamhráin' sin a thagann ón iar-Aontacht Shóivéideach. So, tháinig gliondar ar mo chroí nuair a chuala mé iontráil na bliana seo ón Rúis. Party for Everybody an t-ainm atá ar an seod ceoil seo (físeán thíos) atá á chanadh ag grúpa pinsinéirí ón gceantar Udmurt, 1300 míle soir ó Mhoscó. Is sa Bhéarla, sa Rúisis agus i dteanga réigiúnach an Udmairt a chanann na sean-mhná - teanga a bhfuil 15 thuiseal aici (agus cheap muidne go raibh an Ghaeilge deacair!) Dála an scéil, is é Mikhail Timofeyevich Kalashnikov, ceapadóir an AK-47, an duine is cáiliúla ó réigiúin an Udmairt, faoi mar a mhíníonn an t-alt greannmhar seo ón Irish Times.
Caithim a rá gur bhreá liom an t-amhrán, agus na sean-mháithreacha soineanta atá á chanadh. Chuirfeadh sé dea-ghiúmar ort. Mo cheol iad.
.jpg)
Eurovision = kitsch.
ReplyDeleteSea. Ach nílim cinnte gur mallacht nó moladh é sin!
ReplyDelete@ Chuirfeadh sé dea-ghiúmar ort.
ReplyDeleteChuir..:-)
Sin deireadh le seans Jedward.
ReplyDelete