29.7.12

Corrfhocal corr


Tá a fhios agam go bhfuil litriú na Gaeilge deacair, ach... an bhfaca tú focal chomh corr aisteach leis an bhfocal "subpoenaed" thuas riamh, ó thaobh an litrithe de?!

Is cuimhin liom an focal "reupholsterer" a fheiceáil ar fhógra uair amháin agus cheapas go raibh cuma mhínádúrtha air freisin.


DAS, agus mé ag cuardú an focal 'corr' ar an bhFoclóir Beag, fuarthas an sainmhíniú seo ar an éan thuas...

corr: éan mór spágach muineálach tanaí a shiúlann trí uisce


"Spágach muineálach tanaí"... nach deas an cur síos sin orthu.

D'fhéadfá an rud céanna a rá faoi chuid mhaith luthchleasaithe i Londain ;)

28.7.12

Éireannaigh sna Cluichí Oilimpeacha inniu/amárach

Seo daoibh thíos liosta dos na lúthcleasaithe Éireannacha a bheidh gníomhach inniu agus amárach (as Béarla ón Irish Times).

DAS, daoibhse atá thar lear, is féidir breathnú ar chraoladh RTÉ ó na Cluichí ar shuíomh an EBU (Aontas Craolacháin na hEorpa) anseo. Cliceáil ar an mbosca buí "EBU Members Live" agus ansin roghnaigh RTÉ ó liosta na gcraoltóirí.


TODAY 
10am 
Cycling : With less than a week to recover from a gruelling Tour de France, Nicolas Roche and Daniel Martin will be joined by David McCann as they hit the streets of London on a 250km route that includes nine laps of Box Hill, a climb in the Surrey hills. The riders are expected back at The Mall some time after 3pm.
10.30am
Equestrian
: Traditionally one of the weaker disciplines, Ireland’s three-day eventers will be hoping for an upturn in fortunes when they go through their dressage routines this weekend. Poor scores will all but kill off any medal hopes but the team have been improving in recent years and hope this can be replicated in Greenwich. Michael Ryan goes at 10.32am, Aoife Clark is out at 12.54pm with Joseph Murphy in action at 4.04pm.
11am
Judo: 
Lisa Kearney will be one of the first Irish athletes in action, but also could be one of the first on the plane home, when she takes on China’s Shugen Wu for a place in the last eight of the 48kg category. The Belfast judoka, who received a bye into the last 16, is facing an opponent ranked 10 places higher than her at the ExCel Arena.
Gymnastics: Kieran Behan, the first Irish gymnast to qualify for an Olympics, will go through his entire routines (Floor, Vault and Horizontal Bars). Depending on his results in each discipline, Behan will then progress to individual finals next week. Or not, as the case may be.
11.50am
Swimming :
 Barry Murphy could feasibly advance from the heats of the 100 metres breaststroke but should be satisfied with a personal best swim. The Dubliner goes in the fourth heat at the Aquatics centre which should be just after midday. The semi-finals are due to take place at 7.30pm.
1.30pm
Rowing
: Sanita Puspure, our only rower at the London Games, goes in the heats of the women’s singles sculls shortly after lunchtime. The Latvian native has high hopes of making the quarters, with the top four of six going directly through.
2.15pm
Boxing
: John Joe Nevin (fourth in the world rankings) will be the first of Ireland’s six-strong team into the ring at the Excel Arena, the Mulingar bantamweight (56kg) drawn against Denmark’s Dennis Ceylan. Team captain Darren O’Neill is in action at 3.15pm, the middleweight taking on the highly rated young Nigerian Muideen Akanji.
TOMORROW 
9.30am
Rowing 
: Depending on Saturday’s results in the heats, Sanita Puspure could be back in the water as early as Sunday morning in the repechage. That’s the worst case scenario with Puspure aiming for a place in Tuesday’s quarter-finals instead.
10.45am
Swimming
: Sycerika McMahon, silver medallist at the European Championships over 50m, will be making her Olympic debut. With the slowest qualifying time in Heat 4, it will be a major achievement for the Portaferry teenager to advance to Sunday evening’s semi-finals (starting at 7.30pm).
11.50am
Equestrian
: The final two members of the eventing team, Camilla Speirs and Mark Kyle, will be judged on the second day of the dressage competition. Speirs will be put through her paces at 11.52am with Kyle due at 3.10pm.
1.35pm 
Sailing: Peter O’Leary and David Burrows need no introduction to the Weymouth having won gold in a pre-Olympic regatta last month. The Dublin-based duo take to the water for the first of at least 10 races in the Star class at 1.35pm, with the second taking place at 2.50pm.
2.50pm
Canoeing
: Eoin Rheinisch, who missed out on a medal by the narrowest of margins in Beijing, goes in the heats of the K1 Slalom on Sunday lunchtime. The 32-year-old has not had the ideal preparation with injuries taking their toll but should certainly hope to advance to Wednesday’s semi-finals.
7.10 pm
Badminton
: World number 44 Chloe Magee opens her Olympic campaign in the round robin format against Pi Hongyan of France, a former world number two. Regardless of this result, Magee will get another bite at the apple when she meets Egypt’s Hadia Hosny on Tuesday.
10.15pm
Boxing:
 Adam Nolan is on the night shift at the Excel Arena, the Bray Garda not due in the ring until after 10pm when he will meet Ecuador’s Carlos Sanchez Estacio.

27.7.12

Sráid an Vóta


An spéir ó Shráid an Mhóta, BÁC Dé Céadaoin. (Foilsithe ar broadsheet.ie inné).

DAS, tá ceannceathrúna Fhine Gael agus Fhianna Fáil suite ar an sráid sin (Sráid an Mhóta Uachtar agus Íochtar). Nach bhfuil sé sin oiriúnach. Go bhfuil na páirtithe polaitíochta is mó (bhuel, go stairiúil) suite ar Shráid an Vóta.

26.7.12

Seirbhísí dóiteáin

Chuir Néidí ceist orm faoi sheirbhísí dóiteáin im' cheantar dúchais agus mé ag plé lasadh mhainistir Tintern le déanaí. Tá an stáisiún dóiteáin is cóngaraí dúinn suite i mbaile Ros Mhic Treoin - timpeall 25 nóim uainn. Ag breathnú ar an léarscáil thuas - ó Ollscoil Mhaigh Nuad - a léiríonn na stáisiúin ar fad sa tír agus na ceantracha sin is iarghúltaí maidir le seirbhísí dóiteáin de, ní muidne is measa sa tír. Is iad na ceantracha gorma - is féidir cliceáil ar an íomhá thuas chun é a mhéadú - na réigiúin is faide ó sheirbhísí dóiteáin. Mar shampla i gConamara agus tuaisceart Mhaigh Eo tá go leor daoine níos mó ná 30 nóim ó stáisiún dóiteáin, gan chaint faoi na h-oileáin. Is féidir codarsnacht a dhéanamh idir na seirbhísí ar dhá thaobh an teorainn anseo (agus in go leor seirbhísí eile).

Is fiú cuairt a thabhairt ar an suíomh NUIM. Is féidir go leor seirbhísí eile - ospidéil, aerphortanna, fiaclóirí, srl. - a sheiceáil ann freisin.

Seo ceann eile daoibh a léiríonn na seirbhísí T&E (A&E) sa tír (seirbhísí lán agus páirteacha san áireamh). Arís, tá difríocht mhór le feiceáil idir Poblacht agus Tuaisceart na hÉireann.



Agus seo thíos an léarscáil chéanna leis na seirbhísí lán amháin. Léiríonn na paistí móra gorma i Ros Comáin, an Clár agus iarthar Chorcaí/deisceart Chiarraí an tionchar atá ag polasaithe an rialtais seo maidir le seirbhísí éigeandála a ghearradh siar sna hospidéil bheaga. Tá ná ceantracha dúghorma 60-90 nóim ón ospidéal éigeandála 'áitiúil'. 


AGUISÍN...

Luaidh Néidí sna tráchtanna thíos go raibh easpa seirbhísí dóiteáin in iar-dheisceart Chorcaigh go dtí gur cuireadh seirbhís áitiúil ar siúl. Seo thíos mapa den réigiún sin - tá an Scoil suite sa phaiste beag dearg gar do Charn Uí Néid (Mizen Head) agus tá tionchar na seirbhíse sin le feiceáil ar an gceantar máguaird. Léiríonn sé cé chomh tábhachtach is atá seirbhísí áitiúla mar sin i gceantracha iarghúlta.


25.7.12

Cluichí Chaerdydd 2012

Tosóidh Cluichí Oilimpeacha (Londain) 2012 i gCaerdydd inniu. Sea, beidh an chéad chluiche - cluiche sacar na mban idir an Bhreatain agus an Nua-Shéalainn - inniu i Staid na Mílaoise. Tá an chathair réidh, tá bratacha crochta in gach áit, ach caithim a rá nach bhfuil mórán atmaisféir san áit - b'fhéidir go n-athróidh an scéal nuair a thosóidh na cluichí i gceart. Beidh 40,000 duine sa staid inniu - slua sách-maith - ach faraor, níl mórán éilimh ar na cluichí sacair eile go fóill.

Staid na Mílaoise, Caerdydd inniu.
Seachas veain nuachta ITV ní thabharfá faoi deara
go bhfuil an 'seó is mó ar domhan' ar siúl. 
Dála an scéil, conas atá an aimsir...

Tá go maith. Athrú mór ó thús na míosa.

23.7.12

Filleadh ón bhFaoiseamh

Oirthear na hinse, ag féachaint i dtreo Chnoc Maol Réidh
Ar ais i gCaerdydd grianmhar, tar éis seachtain a chaitheamh in Éirinn. Thugas cuairt ar Inis Bó Finne (na Gaillimhe) ar feadh cúpla lá... áit ina bhfuair mé faoiseamh... ag siúl, ag snámh, ag seinm, agus ag éisteacht le glaoch na dtraonach.

Ar theacht dom abhaile, fuarthas an scéal go raibh gadaithe tar éis ionsaí a dhéanamh ar mhainistir Tintern (atá in aice an bhaile) agus an fáiltiú agus an caifé a chur trí thine. Tá an déistin orainn uilig sa bhaile. Ar nós ionsaithe ar an bpobal ar fad. Níl tásc ná tuairisc ar na cladhairí a rinne an damáiste agus a sciob taisceadán leo le suim bheag airgid. Agus ar bhealach, is cuma... ní bheidh fáilte ná faoiseamh le fáil sa mhainistir go ceann i bhfad.

Dóite is gan díon - iar-sheomra fáilte na mainistreach

13.7.12

Lochach


Nach deas an íomhá thuas? Cuireann sé ealaín Jackson Pollock i gcuimhne dom. Is grianghraf saitilíte é ó shuíomh idirlín NASA a glacadh de thírdhreach lochach thuaisceart Cheanada - nó Nunavut chun a bheith cruinn. Is sampla de ghrianghraf bréag-daite é, ar a bhfuil dath dearg ar thalamh agus dath gorm/glas/dubh ar uisce ag braith ar an méad dríodair atá iontu.

Cuireann sé dhá áit in Éireann i gcuimhne dom.

Portach Chloch na Rón ar a bhfuil cur síos draíochtúil scríofa ag Tim Robinson ina leabhar Connemara: Listening to the Wind...


...agus Co. an Chabháin, neamh na n-iascairí i measc na ndroimníní.


11.7.12

An Mheitheal agus an tOigheann Cré

Tháinig naonúr déag le chéile inár ngáirdín cúil sa bhaile ar maidin gheal an tSathairn chun cabhrú linn oigheann cré a chruthú. Ba é an dara uair a chuaigh meitheal i mbun oibre ar thionscadal mar seo sa pharóiste, ach ba ar son m'athar a bhí siad ag obair an uair seo. Meascán d'fhir is de mhná - bean ó Pheiriú, agus WWOOFer óg ón Ostair ina measc. Seo daoibh torthaí a gcuid oibre.

1. An tArdán: Déanta as gnáth-bhrící dearga, le seastán beag de bhrící tine. Tá carn beag gainimh i bhfolach faoin bpáipéar, agus tógfar an gaineamh amach ó dhoras an oighinn nuair a bheidh an chré crua.

2. An chré: Tá trí shraith le cur ar an oigheann ina iomlán. Seo é an chéad sraith ina bhfuil 2 x cré, 1 x gaineamh, 1 x gairbhéal, uisce agus roinnt tuí. Fuair m'athair an chré ó fhoinse áitiúil, ach bhí orainn cuid mhaith oibre a dhéanamh chun é a ullmhú don lá. Déanadh turgnaimh roimhe seo chun an meascán is fearr a aithint. DAS, cheap na mná go ndéanfadh an chré maitheas dá gcosa, agus bhain siad na wellies uathu.

3. Brící: Ansin thosaigh muid ag cruthú brící beaga ón meascán. Bhí píosaí beaga adhmaid ag m'athair chun toirt na mbricí a mheas. Thosaigh muid le bricí cearnógacha ach tar éis tamaill, agus an t-oigheann ag dul in airde, bhí orainn taobh amháin den bhríce a chaolú ar nós "stad dorais". 

4. Tógáil: Seo é mo Dhaid (sa t-léine gorm) agus a fhoireann tógála ag cur an chéad chraiceann cré ar an gcarn gainimh. DAS, beidh an chéad mheitheal eile ag cabhrú le Ray - an fear eile sa phictiúr - oigheann eile a thógáil.

5. Deireadh an lae: An mheitheal oibre tar éis lá gníomhach a chaitheamh inár ngáirdín. Ní neart go cur le chéile.
6. Thíos faoin díon: Tá 'puball' cruthaithe ag m'athair chun an chré a chosaint ón aimsir le linn a triomaithe, agus ina dhiaidh. Déanann báisteach dochar don chré agus cruthaíonn grian láidir scoilteanna inti.

AN SCÉAL IS DÉANAÍ...

7. Triomiúchán: Seo mar atá an t-oigheann inniu - poll an dorais gearrtha amach ón gcré agus coinneall ag lasadh ina lár chun cuidiú leis an bpróiséas troimiúcháin. Is féidir an 'doras' a fheiscint faoi bhun an ardáin. Níl ann ach píosa adhmaid le murlán air.


3.7.12

F**UC*!!

Ní cuimhin liom riamh seachtain i mo shaol a bhí chomh FLIUCH is atá sé i gCaerdydd an tseachtain seo. In ainm Dé, níor stop sé ón Domhnach agus tá tuilleadh geallta go dtí an Domhnach seo chugainn. Ní hé nach bhfuil taithí agam ar an mbáisteach, bhí cónaí orm i nGaillimh ar feadh bliana go leith... ach ní fhaca mé riamh an oiread seo uisce ag stealladh ón spéir gan sos ná faoiseamh. Agus ní hé go dtiteann ceath nó dhó i ndiaidh a chéile - ní féidir na ceathanna a aithint óna chéile. Éiríonn an bháisteach trom, agus nuair a chreideann tú nach bhféadfadh sé a bheith níos measa, éiríonn an bháisteach níos troime fós.

Beidh mé ag filleadh ar an sean-fhód ar maidin, chun dul chuig bainis mo charad i gCill Mhantáin ar an Déardaoin. Mo thrua don lánúin... is cinnte go mbeidh lá fliuch acu. Caithfidh mé cuairt a thabhairt ar Eas Powerscourt agus mé sa cheantar. Déarfainn go bhfuil sé ag sreabhadh leis go láidir an tseachtain seo.

Bhuel... ní bhíonn néal gan ghealán...

Suíomhanna Oidhreachta Domhanda nua

Fógraíodh inné na 26 suíomh nua ar liosta UNESCO de Shuíomhanna Oidhreachta Domhanda. Ainmníodh suíomhanna i 4 thír den chéad uair: sa Sead, i bPoblacht an Chongó, ar na hOileáin Palau agus sa Phalaistín. Gan aon amhras, is próiséas tábhachtach é na suíomhanna seo a aithint mar sheoda cultúrtha a bhfuil cáil agus cosaint tuillte acu. Ach is léir go bhfuil claonadh ag UNESCO i dtreo tíortha an Iarthair, san Eoraip ach go háirithe.

Ainmníodh suíomhanna sa Fhrainc, sa Spáinn agus sa Ghearmáin inné a chuir leis an liosta fada suíomhanna atá acu cheana féin. Féach ar an léarscáil thíos chun comparáid domhanda a dhéanamh. Is iad an tSín, an Ind agus Meicsiceo amháin a théann in iomaíocht le tíortha móra na hEorpa ó thaobh oiread na suíomhanna de - tíortha a bhfuil achar agus daonra i bhfad níos mó acu. Tá an Aifric agus an Meán-Oirthear - cliabhán na sibhialtachta - beagnach dearmadtha. Fiú san Eoraip, tá codarsnacht shoiléir le feiceáil idir na tíortha móra ar iarthar na mór-roinne agus na tíortha Eorpacha eile, go háirithe in oirthear na hEorpa. Agus breathnaigh ar Éirinn bhocht - péire sa Phoblacht, agus ceann amháin sa Tuaisceart.

Ní féidir luach a chur ar chultúr. Tá tábhacht agus suntasacht ag gach cultúr, cibé áit ar domhan ina bhfuil sé suite. B'fhéidir go bhfuil sé in am do UNESCO a n-aird a tharraingt ar an domhan mór agus gan a bheith sáinnithe san Iarthair.